Ja wo sans denn, de Musikanten?

Ob Umzug, Hochzeit oder Fahnaweih,
A jedsmoi gibts de gleiche Plogerei
Da Vorstand steht ganz einsam do
und frogt si: Wo sans denn nur, de ganzn Schof?

Der erste Weg, der geht zur Schenkn,
denn den Ort findt a jeder ohne Bedenkn.
Ham doch die Musikanten, besser als mia
a richtigs Gspür für d'Weißwürscht und's Bier.

Aba selbst do steht no koana,
is ja a klar, ned amoi hinta da Thakn findt si oana.
Es rengt und rengt und blitzt zwischnnei,
aber des is bloß da Schindler - für sei Fotolitanei!

Langsam, do griagt da Erwin richtig gnua,
und denkt si: Lassts ma doch mei Rua!
Um neine war ausgmacht, um hoiba zehne gehts scho o:
Spitzmaus am Handy: Seids ihr scho weg, oda no gor ned do?

A letzter Blick geht durch die Menge,
aber wia soi ma a wos seng, in dem Gedränge.
De Leid san do, ausm ganzn Moos,
nur de Musikanten - ja wo sans denn bloß?

Irgendwann, do sigt ma oan,
mit brauna Leiberl und am Hoat mit Feda über de Ohrn.
An Maßkruag stets in da rechtn Hand,
und man woaß a glei - DES is a Musikant!

von Angela Schindler
Querflötistin ohne Maßkrug
von den Hohenrieder Musibuam